Fenster | Türen | Glasfassaden

Neies vun OST Fenster

12.11.2017 Porte ouverte. bei ost

Mir invitéieren Iech ganz härzlech op eis Porte ouverte - den 12. November vun 10.00 bis 17.00 Uhr zu Gréiwemaacher.

An eisem Showroom fannt Dir eng Partie Musterstécker vu qualitativ héichwäertege Fënsteren an Dieren souwéi all eis verschidde Modeller vun Holz an Holz-Alu Fënsteren.

Bléckt hannert d'Kulissen mat enger Féierung duerch eis Atelieren. Ee ganz besonnegen Highlight hei ass eis nei innovativ an héichmodern Lackéierstrooss. E vollautomateschen an technologesche Lackéiersystem fir Dieren a Fënsteren. Dat besonnegt doru sinn déi zwee high-tech Sprëtz-Roboter, déi Dir live an Aktioun erliewe kënnt.

Kommt eis besichen an erliewt selwer wéi een hautdesdags Fënsteren an Dieren produzéiert a lackéiert - de Sonndeg, 12. November vun 10.00 bis 17.00 Auer zu Gréiwemaacher. Mir freeën eis op Iech!

13.10.2017 Wéinst Fortbildung. nomëttes zou.

Den 13. Oktober hu mir wéinst interner Fortbildung vu mëttes 13.00 bis 18.00 Auer ausnahmsweis zou. Ab Samschdeg, den 14. Oktober si mir erëm wéi gewinnt fir Iech do.

24.08.2017 héichmodern technologie. eis nei Lackéierstrooss.

Während der Summervakanz ass eis nei super modern an innovativ Lackéierstrooss an eisem Atelier montéiert ginn: een héich technologeschen an vollautomateschen Lackéiersystem fir Fënsteren an Dieren. Déi zwee Sprëtz-Roboter an d'elektronescht System zur Formerfaassung erméiglecht et, all Dieren- a Fënstertyp mat eegene Lackéiervirschrëften an héchster Qualitéit ze lackéieren.

Sidd déi éischt déi eis nei Roboter an Aktioun gesinn an erlieft selwer wéi schnell een hautdesdaags Fënsteren an Dieren lackéiert. De 16. a 17. September um Weekend vun der Top Portes Ouvertes Lëtzebuerg. Eis Dieren stinn Iech op vun 10.00 bis 17.00 Auer. Mir freeën eis op Äre Besuch!

MÉI GEWUER GINN

22.08.2017 Top Portes Ouvertes. Lëtzebuerg.

De Weekend vum 16. & 17. September 2017 ass déi 12. Editioun vun der TOP PORTES OUVERTES zu Lëtzebuerg. Dëst Joer stinn och all Dieren vun OST fir Iech op! Geheit ee Bléck hannert d'Kulissen an erlieft selwer wéi Fënsteren an Dieren aus Holz an Holz-Alu hirgestallt ginn.

MÉI GEWUER GINN

02.08.2017 eng Entrée. mat Charakter.

"Fir den éischten Androck gëtt et keng zweet Chance", seet een. Dat gëllt och beim Haus, an hei ganz besonnesch bei der Aganksdier. Charakter a Stil weisst, Wee seng Visiteure mat enger héichwäerteger Hausdier aus Holz oder Holz-Aluminium empfänkt. Well Dieren aus dëser natierlecher Matière Première loosse sech ganz individuell gestalten. Mat onverwiesselbarer Maserung sinn si ëmmer een Unikat. A net nëmmen dat: Holzhausdiere verbannen héchst ästhetesch Uspréch mat komfortabele Funktiounen, exzellent Isolatioun an héije Sécherheetsstandards.

MÉI GEWUER GINN

25.07.2017 Ofwier. vu Plogeeschter.

De Summer ass do a mat him leider och d'Insekten: ob pickend, schlofraubend oder einfach just lästeg. Mee et ginn Méiglechkeeten, Gebaier virun hinnen ze schützen. Mir vun OST weisen Iech gären, wéi wierksam, komfortabel ze bedéngen an optesch onopdränglech dëses Schutz haut ka sinn - mat passgenaue Léisunen fir Dieren an Fënsteren a modernen technesche Schutzmoosnahmen.

MÉI GEWUER GINN

25.07.2017 Gutt Grënn. sech fir Holz ze entscheeden.

Plang Dir grad een Neibau oder wëllt Ärt Haus renovéieren a braucht nei Fënsteren an Dieren? Wësst allerdéngs nach net aus wéiengem Material?

Mir liwweren Iech déi richteg Grënn sech fir Holz oder Holz-Aluminium Fënsteren ze entscheeden!

MÉI GEWUER GINN

21.06.2017 Projet. zu Stroossen.

Bei dësem Projet handelt et sech ëm de Chantier MOONLIGHT - ee grousst Bürosgebai - zu Stroossen. Maître d'ouvrage ass d'Firma Felix Giorgetti S.à r.l., Architekt vum Projet ass Jim Clemes. Gefroot sinn 612 Holz-Aluminium Fix-Elementer, Modell Actualu Style - Holzart Lärche, 495 m² Pfoste-Riegel-Fassad, a Raffstoren als Sonneschutz. D'Ausféierungsaarbechte fänken am Juli/August 2017 un.

19.06.2017 Neie Projet. um Findel.

Beim Projet handelt et sech ëm de Chantier CASA FERRERO - grousst Bürosgebai - um Findel. Maître d'ouvrage ass d'Firma Felix Giorgetti S.à r.l. an BESIXRED S.A. Architekt vum Projet ass PERRY WEBER ET ASSOCIES S.A. Gefroot sinn 777 Holz-Aluminium Fënsteren, Modell Actualu Style Integral, mat Raffstoren als Sonneschutz an 45 Dieren. D'Ausféierungsaarbechte fänken am September 2017 an daueren bis Juli 2018.

07.04.2017 Neies. bei OST.

D'Spezial-Glas PRIVA-LITE vun der Firma Glassolutions Saint-Gobin: 1ee Verbondglas mat Flëssegkristallfilm wat sech mat engem elektresche Schaltvirgang - ewéi ee Liichtschalter - vun enger duerchsiichteger an eng hell matt onduerchsiichteger Scheif verännere léisst.

Méi gewuer ginn

31.03.2017 Wéinst Fortbildung. nomëttes zou.

Den 31. Mäerz hu mir wéinst interner Fortbildung vu mëttes 13.00 bis 18.00 Auer ausnahmsweis zou. Ab Samschdeg, den 1. Abrëll si mir erëm wéi gewinnt fir Iech do.

27.03.2017 den OST camion. an aktioun

Um Chantier Westbay zu Stroossen - Neibau vu 4 Residenzen - ginn ënnert anerem eng Partie grouss Hebe-Schiebe-Elementer aus Holz-Aluminium montéiert. A fir déi all direkt bei déi richteg Ëffnungen ze kréien, ass eise Camion mam Kran am Asaz. Mir hunn dat Ganzt gefilmt a si begeeschtert dovun! An Dir?

Film ab

26.03.2017 porte ouverte. bei ost

Sidd Dir amgaange mat bauen? Oder renovéiert gären Äert Haus a braucht nei Fënsteren an Dieren? Da kommt bei OST! Zanter iwwer 50 Joer produzéiere mir qualitativ héichwäerteg Fënsteren an Dieren aus Holz an Holz-Aluminium - op Mooss an no Äere Wënsch a Virstellungen. Eis Diere stinn fir Iech op - och Sonndeg, de 26. Mäerz fir eis Porte ouverte vun 10h bis 17h zu Gréiwemaacher. Kommt laanscht an entdeckt eis Produiten a wéi si hirgestallt ginn! Mat engem perséinleche Rondgang duerch eis Produktiounshalen. Mir freeën eis op Iech!

24.03.2017 innovatioune. bei ost.

Mir bei OST sichen ëmmer no neie Léisunge fir eis Clienten an entwéckelen eis soumat permanent weider: dowéinst ass eise neien Holz-Aluminium Fënstermodell ACTUALU ALLROUND elo nach méi innovativ.

Fir méi Infoen oder eng ausféierlech Berodung, stinn Iech eis Verkeefer gären zur Verfügung.

MÉI GEWUER GINN

12.03.2017 Grand-Prix OST

Den 12. März ass et nees esou wäit: schonn déi 30ten Editioun vun eiser Course Cycliste - de Grand-Prix OST - zu Bech. Och an dësem Joer gi mir den Optakt vun der Saison 2017. Sidd live mat dobäi! Départ ass um 14.00 Auer. All d'Infoen iwwer d'Course, de Parcours, d'Lëscht vun de Coureuren a villes méi, fannt Dir ënnert www.acccontern.lu oder op eiser Facebooksäit www.facebook.com/OSTFenster.

01.03.2017 Neien. Internetoptrëtt.

Zanter elo knapp 5 Méint ass eis nei Internetsäit online: méi nei, méi modern, méi kompakt - a nach villes méi! Nieft neiem Design ass eis Internetsäit elo och mobil-frëndlech. Egal op mam Tablet, Smartphone oder Computer - besicht eis an iwwerzeegt Iech selwer!

21.12.2016 Artikel. am Paperjam.

Ee ganz interesaanten Artikel iwwer d'Nofolger vun OST am Magazin Paperjam. Liest selwer!

méi gewuer ginn

19.12.2016 Ost wënscht. schéi Chrëschtdeeg.

Déi ganz OST Equipe wënscht Iech an Ärer Famill schéi Feierdeeg an ee gudde Rutsch an dat neit Joer 2017! Mir wëllen Iech och drop hiweisen, datt mir folgend Deeg zou hunn:

Samschdeg, de 24.12. bis Méindeg, de 26.12.2016

Samschdeg den 30.12 a Sonndeg, den 01.01.2017.

Ab Méindeg, den 2. Januar 2017 si mir, wéi gewinnt, fir Iech do. Mir soen Iech Merci fir Ärt Versteesdemech.

14.12.2016 Den OST. Camion.

Den OST Camion mat Kran - elo zanter kanpp 4 Méint am Asaz: ee 4-Achser MAN, dee mat bis zu 8.000 kg beluede ka ginn - inklusiv Déiflueder-Unhänger souguer bis zu 16.980 kg. Den Hiab-Kran Typ HIPOR 638 huet eng Reechwäit vun 32 Meter, vertikal souguer bis zu 37 Meter a ka bis zu 10.400 kg hiewen.

01.06.2016 Äddi Helmut. mir soen Merci!

Geschter war de läschten Dag vum Helmut Hoffmann - ee vun eise Konnendéngschtmataarbechter - deen elo seng wuel verdénge Pensioun untrëtt. Bei engem Glas Schampes a mat engem flotte Kado vun der ganzer OST Equipe, hu mir him Äddi gesoot. Bal 20 Joer war hien ee fläissegen a loyale Mataarbechter vun OST. Dovir soen mir him Merci a wënschen him alles Guddes fir d'Zukunft.

 

 

 

03.02.2016 Label "Energie fir d'Zukunft"

Direkt 37 nei "Zertifizéiert Passivhaushandwierker" gouffe mam Label "Energie fir d'Zukunft" am Kader vum 18. a 19. Weiderbildungszyklus ausgezeechent - dovun mam Alexander Ewen och ee Mataarbechter vun OST. Hien huet de 5. Juni 2015 zu Lëtzebuerg de Weiderbildungsprogramm zum Thema "Energiespuerend Bauen a Sanéieren" vun der Chambre des Métiers an Zesummenaarbeecht mat der Energieagence Luxembourg absolvéiert. Nom erfollegräichen Ofschlossexamen ass hien als "Zertifizéierten Passivhaushandwierker" vum Passivhaus Institut souwéi mam Label "Energie dir d'Zukunft" vun der Chambre des Métiers ausgezeechent ginn.

Weider Informatiounen zum Thema Weiderbildung fannt Dir ënnert www.cdm.lu  souwéi ënner www.passivhaus-handwerk.de. 

 

03.02.2016 Eppes aneschters wier net a Fro komm

De Romain Hilger a seng Kanner erzielen, wisou si allen dréi am Betrib sinn a virwat ee Mëttelständsbetrib ewéi OST Fenster méi interessant ass ewéi ee Weltkonzern.

Méi gewuer ginn

22.03.2015 OST Fenster. Är Betribsbesichtegung.

Zanter fënnef Joerzéngte produzéiere mir als lëtzebuergesche Familljebetrib, an eiser eegener Produktioun zu Gréiwemaacher, qualitativ héichwäerteg Fënsteren an Dieren aus Holz an Holz-Aluminium. Wësst Dir wéi Fënsteren hiergestallt ginn? Fannt et eraus an erlieft et selwer mat engem perséinleche Rondgang duerch eis Produktioun an uschléissendem Apéro. Maacht Dir gären eng Visite mat Ärer Famill oder Veräin? Rufft eis un (+352) 71 90 91-1 oder schreift eis op info(at)ost(.)lu an deelt eis Äre gewënschte Rendez-vous mat.

20.03.2015 Erliefnis: OST a beweegte Biller.

Wat mécht eng Fënster zu enger OST Fënster? Wat ënnerscheet eise Betrib zu aneren? Wéi erliewen ons Clienten eis? Et si Froen, wéi déi, op déi eisen Imagefilm Äntwerte gëtt. Loosst Iech an d'Welt vun OST entféieren – an entdeckt eis an eis Philosophie a beweegte Biller. Film ab: 

Méi gewuer ginn

18.03.2015 Fortschrëtt: ost 2.0

Elo heescht et och bei OST "Join us on Facebook"...

Méi gewuer ginn

 

 

01.02.2015 Den OST Newsletter. Elo abonnéieren.

Als besonnesche Service bidde mir Iech eisen exklusive, gratis Newsletter, den Iech regelméisseg kompakt an informativ iwwer OST an eis Produiten Fënsteren, Dieren a Glasfassaden informéiert.

Méi gewuer ginn