Fenster | Türen | Glasfassaden

OST

héichwärteg Léisunge.
fir all Usproch.

Zanter iwwer 50 Joer stelle mir als lëtzebuergesche Familljebetrib qualitativ héichwäerteg Fënsteren, Dieren a Glasfassaden aus Holz an Holz-Aluminium hir. Eis Philosophie: Mooss aplaz Mass. Well Fënstere si fir eis keng Masseprodukter, mee Produiten op Mooss déi individuell geplangt an individuell gefäerdegt ginn, no de Wënsch a Virstellunge vun eise Clienten. Scho bei der Auswiel vum Material a Komponente passe mir ob bescht méiglech Qualitéit op.

Ob Renovatioun oder Neibau: energetesch Ufuerderunge ginn haut de Kader vir. Eis ënnerschiddlech Produktlinnen decken dowéinst all energetesch Ufuerderungen of - ob fir Niddregenergiehaus, Passiv oder doriwwer eraus. Mir sinn awer net nëmme bei Neibaute beschtens opgestallt. Och wann et gëllt, energetesch Schwachstelle vu Renovatiounsobjeten oder denkmalgeschützte Gebaier opzespieren an auszeschalte, schafe mir passgenau Léisungen.
 

Fënsteren

op mooss gefäerdegt holz
oder holz-aluminium léisungen.

Fënstere vun OST ginn a beschter handwieklecher Traditioun individuell no de Virgabe vun de Clienten zu Lëtzebuerg produzéiert. Ausgewielten Holzarten ewéi Meranti, Lärche oder Eech suerge fir eng agreabel Wunnatmosphär. An d'Kombinatioun mam Aluminium op der Bausse-Säit suergt fir eng extrem héicht Witterungsbestännegkeet. Mat effizienter Dämmung an héichwäerteger Sécherheetstechnik erfëlle mir déi verschiddensten Ufuerderungen.

WEIDER INFORMATIOUNEN

Hausdieren

d'hausdier.
eng ganz perséinlech entrée.

Wéi wuel kaum een anert baulecht Element verbënnt d'Hausdier de Mënsch mat der Architektur. Hei op Standardléisungen ze setze, géing béide net gerecht ginn. Aus dësem Grond ginn et eis Hausdiere just als individuell Eenzelufäerdegung - a si soumat Unikater.

WEIDER INFORMATIOUNEN

GLASFASSADEN

méi liicht.
méi liewen.

Liicht ass Liewen. A Liewen ass Natur. Verständlech dohier de Wonsch, béides zum Deel vum eegene Wunnen ze maachen - mat enger generéis verglaaste Fassade: si verbënnt op funktioneller Weis d'Natur an d'Architektur. Si schaaft Fräiraum a wandelt - haut méi wichteg wéi jee - an der Heizungsperiod Sonneliicht a Wäermt ëm. Gutt Grënn, sech méi intensiv mat hir ze beschäftegen.

WEIDER INFORMATIOUNEN

Service

weider geduecht.
vun OST.

Et ass net nëmmen d'Resultat mat deem mir eis Clienten iwwerzeege wëllen - genausou wichteg ass eis de Wee dohin. Iwwer déi komplett Entstoungsphase gi Dir vu perséinlechen Uspriechpartner betreit - ob beim Plange vun de Rendezvousen, der Ofstëmmung vum Entworf oder ganz praktesch Saache wéi dem Opmooss op der Plaz. De firmeneegene Montageservice vun OST iwwerhëlt déi pünktlech a fachgerecht Installatioun vun de fäerdege Fënsteren an Dieren. A wann de richtege Moment dofir komm ass, suergt eise Service Entretien fir eng fachmännesch Kontroll a Funktiounspréiwung - als zousätzlech Garantie fir déi laang Freed un eise Produiten.

WEIDER INFORMATIOUNEN

 

Referenzen

<